Din il-paġna toffri informazzjoni utli dwar it-Tiftix Elettroniku tal-Kawżi Ċivili. Din l-informazzjoni għandha tgħinek tifhem x'livelli ġew applikati f'dan is-sit. Għandek issib ukoll għajnuna utli biex tuża sew dan is-servizz.

       Kawżi Introdotti
       Kawżi Pendenti
       Kawżi Magħluqa fl-Aħħar Sena
       Tfittxija għas-Seduta
       Lista tan-Noticeboard
       Differimenti

       Lista ta' Kawżi
       Lista tad-Dettalji tas-Seduti
       Noticeboard

       Kawżi fid-Dettal
       Verbal fid-Dettal
       Verbali Kollha, fid-Dettal

       Simboli użati fis-sit
       Notifika ta' żball
       Kif tipprintja
       Kif iżżomm bookmark tal-paġni
       Kif tissejvja l-paġni
       Kumpatibilita' mal-Browsers

Din il-kategorija tinkludi l-kawżi kollha li ġew rreġistrati l-Qorti li:

   a) għadhom ma ġewx allokati smigħ ta' seduta; jew
   b) ngħataw l-ewwel smigħ ta' seduta (L-Ewwel Dehra) biss.

Għandek iddaħħal mill-anqas waħda mill-kriterji biex tibda tfittex. Ir-Riferenza tal-kawża hi maqsuma fi tliet partijiet:   

• l-ewwel huwa n-numru konsekuttiv tal-każ;
• it-tieni hija s-sena li fiha infetaħ il-każ; u
• it-tielet huwa numru ta' sekwenza.

Ikun aħjar li r-Riferenza li l-Qorti tat lill-Każ, jintuża bħala kriterju tat-tfittxija f'sitwazzjoni fejn min qiegħed juża s-sistema jkun jaf dan in-numru minn qabel. Meta tagħżel il-Qorti bħala kriterju ta' tiftix, is-sit jipprovdi lista m'nejn tagħżel. Jekk ser tagħmel użu mid-Data tar-Reġistrazzjoni (meta l-każ ġie rreġistrat il-Qorti), din għandha tiddaħħal fil-format jj/xx/ssss. Jista' wkoll jiddaħħal l-isem tal-Avukat (l-ewwel il-kunjom imbaghad l-isem) li hu abbinat mal-kawża bħala wieħed mill-kriterji.

Hemm differenza sottili bejn Ismijiet u Partijiet Oħra. F'Ismijiet tista' tfittex bl-isem uffiċċjali tal-kawża bħal per eżempju: BORG JOE vs GATT JOSEPHINE ET. F'Partijiet Oħra wieħed ikun jista' jfittex bil-partijiet kollha nvoluti fil-każ. Jiġifieri jekk nkomplu fuq l-eżempju msemmi, l-partijiet kollha nvoluti huma BORG JOE, GATT JOSEPHINE u GATT EMANUEL (dejjem jekk dan il-livell ta' dettal jiddaħħal mill-Qorti).

Il-buttuna Fittex, tfittex ir-riżultati ewlenin skond il-kriterji li tkun daħħalt. Il-buttuna Ħassar, tbattal t-test li tkun daħħalt qabel.

Biex tmur għall-paġna tat-tiftix "Kawżi Introdotti", agħfas hawn.

FUQ NETT

Din is-sezzjoni tinkludi dawk il-kawżi kollha li jidhru pendenti quddiem il-Qrati ta' Malta jew ta' Għawdex. Il-kriterji li għandhom jiddaħħlu għat-tiftix huma l-istess bħal dawk spjegati fit-taqsima ta' qabel din. Barra minn hekk f'din it-taqsima tista' tfittex ukoll bl-Att Promotorju, jiġifieri t-tip ta' kawża (e.g. ċitazzjoni, mandat, rikors etc.) u kwalunkwe Espert (l-ewwel il-kunjom imbaghad l-isem) li seta' nħatar mill-Qorti biex jgħinha fl-andament tal-kawża. Jekk wieħed jagħżel li juża l-Ġudikatura bħala kriterju ta' tiftix, is-sit jipprovdi lista m'nejn tagħzel.

Il-buttuna Fittex, tfittex ir-riżultati ewlenin skond il-kriterji li tkun daħħalt. Il-buttuna Ħassar, tbattal it-test li tkun daħħalt qabel.

Biex tmur għall-paġna tat-tiftix "Kawżi Pendenti", agħfas hawn.

FUQ NETT

Din is-sezzjoni tinkludi dawk il-kawżi kollha li ngħalqu fl-aħħar sena, jiġifieri għandhom Data ta' Terminazzjoni. Il-kriterji li għandhom jiddaħħlu għat-tiftix huma l-istess bħal dawk spjegati fit-taqsima "Kawzi Pendenti". Barra minn hekk, peress li f'din it-taqsima l-kawżi kollha huma magħluqa, is-sit jipprovdi l-faċilita' li tfittex ukoll bid-Data tat-Terminazzjoni, li bħal d-Data tar-Registrazzjoni, għandha tiddaħħal fil-format jj/xx/ssss.

Il-buttuna Fittex, tfittex ir-riżultati ewlenin skond il-kriterji li tkun daħħalt. Il-buttuna Ħassar, tbattal it-test li tkun daħħalt qabel.

Biex tmur għall-paġna tat-tiftix "Kawżi Magħluqa fl-Aħħar Sena", agħfas hawn.

FUQ NETT

Minn din il-paġna tista' tfittex seduta partikolari. Id-Data tas-Seduta hi mandatorja u trid tiddaħħal fil-format jj/xx/ssss. Jekk iddaħħal data waħda tas-seduta, biex tkun tista' tfittex trid iddaħħal mill-inqas kriterju ieħor. Jekk ser tuża firxa ta' dati tas-seduta, trid iddaħħal mill-inqas żewġ kriterji oħra.

Barra d-Data tas-Seduta, bħala kriterji oħra ta' tfittix, wieħed isib il-Qorti, Ġudikatura u Stat tal-Kawża, fejn is-sit jipprovdi faċilita' ta' listi m'nejn tista' tagħżel. Barra minn hekk tista' tfittex b'Avukat jew b'Espert partikolari.

Il-buttuna Fittex, tfittex ir-riżultati ewlenin skond il-kriterji li tkun daħħalt. Il-buttuna Ħassar, tbattal it-test li tkun daħħalt qabel.

Biex tmur għall-paġna "Tfittxija għas-Seduta", agħfas hawn.

FUQ NETT

Din il-paġna tgħinek biex tfittex il-lista li titwaħħal man-Noticeboard ta' kull Awla qabel kull seduta. Biex tkun tista' tfittex, trid iddaħħal kemm d-Data tas-Seduta (fil-format jj/xx/ssss), kif ukoll l-Ġudikant (li jista' jingħazel minn lista pprovduta mis-sit).

Il-buttuna Fittex, tfittex ir-riżultati ewlenin skond il-kriterji li tkun daħħalt. Il-buttuna Ħassar, tbattal it-test li tkun daħħalt qabel.

Biex tmur għall-paġna "Lista tan-Noticeboard", agħfas hawn.

FUQ NETT

Minn din il-paġna għandek il-faċilita' li tara d-differimenti kollha tax-xahar preżenti, kif ukoll tax-xahar ta' qabel u tax-xahar ta' wara. Il-kalendarju muri, jtik indikazzjoni f'liema ġranet kien hemm differimenti, billi jimmarkhom b'background griż. Barra minn hekk il-ġurnata kurrenti tkun immarkata iktar skura mill-oħrajn. Jekk tmur b'għodda t'indikar fuq il-ġranet fejn kien hemm, jew ser isir xi differiment, is-sit jurik l-ammont ta' differimenti li saru f'dik il-ġurnata partikolari.

Meta tagħżel waħda mill-ġranet, is-sit jieħdok f'paġna oħra fejn titla' lista tad-differimenti tal-ġurnata. Din il-lista tiġi ppreżentata f'titli ta' Kawżi, maqsuma f'Riferenza, Partijiet, Qorti, Ġudikant, u Seduta li jmiss. Tista' tiffiltra din il-lista billi tfittex b'Qorti u/jew Ġudikatura u tagħfas il-buttuna Iffiltra. Meta tiffiltra, l-lista ppreżentat fil-bidu, tiċkien skond il-kriterji tat-tfittix. Il-buttuna Hassar, tbattal it-test li tkun daħħalt.

Barra minn hekk, kull titlu ta' kawża għandu s-simbolu tal-lenti () ħdejħ, li permezz tiegħu wieħed ikun jista' jmur għall-paġna b'aktar dettalji fuq il-kawża. Jekk trid tkun taf kif tista' tara d-dettalji sħaħ tal-każ, jekk jogħġbok irreferi għas-sezzjoni tal-Għajnuna - "Dettalji Sħaħ tal-Kawża".

Biex tmur għall-paġna "Differimenti", agħfas hawn.

FUQ NETT

Ir-riżultat ta' tiftix jitniżżel f'lista ta' titli ta' Kawżi Ċivili. Fil-lista jidhru Qorti, Ġudikatura, Riferenza (numru tal-każ mogħti mill-Qorti), Data tar-Reġistrazzjoni tal-każ, Ismijiet tal-partijiet involuti, Stat u Data tas-seduta li jmiss.

Is-simbolu tal-lenti () jieħdok għall-paġna b'aktar dettalji fuq il-kawża. Filwaqt li s-simbolu tal-cards () jieħdok għal-lista tas-seduti tal-każ partikolari li tkun fittixt.

Peress li din il-lista hi komuni għat-tlett tipi ta' tfittix, jiġiefieri mill-paġni tat-tfittix tal-Kawżi Introdotti, Kawżi Pendenti, kif ukoll tal-Kawżi Magħluqa fl-Aħħar Sena, is-simbolu tal-lenti () u tal-cards () jiġu jidhru biss meta tfittex għall-kawżi pendenti jew dawk li ġew magħluqa fl-aħħar sena biss. Meta tfittex għall-kawżi introdotti, is-simboli msemmija ma jagħmlux sens li jkunu hemm.

F'qiegħ il-paġna hemm links għal paġni oħra bir-riżultati, u jekk hemm aktar minn għaxar paġni ta' riżultati hemm vleġġa li twasslek għall-grupp ta' riżultati li jkun imiss.

FUQ NETT

Ir-riżultat ta' tiftix jitniżżel f'lista ta' titli ta' seduti. Fil-lista jidhru Numru (l-ordni ta' kif se jinstemgħu l-kawżi f'dik is-seduta partikolari), Data u Ħin tas-seduta, Awla fejn ser tinstema' s-seduta, Stat tas-seduta (għalfejn qed tinstema' l-kawża), Eżitu tas-seduta (r-riżultat tas-seduta wara li tinstema'), u Ġudikatura.

Is-simbolu tal-lenti () jieħdok għall-paġna b'aktar dettallji fuq il-kawża. Filwaqt li s-simbolu tal-pinna (), ħdejn ir-riżultat tat-tfittxija, jieħdok għall-verbal ta' dik is-seduta partikolari.

Faċilita' addizzjonali f'din il-pagna hi li tista' tara u tipprintja l-verbali kollha. Tista' tagħżel iktar minn verbal wieħed (billi tikklikkja fil-kaxxa ħdejn ir-riżultat tas-seduta) jew il-verbali kollha (billi tikklikkja darba fil-kaxxa li hemm fuq nett fil-paġna) tas-seduta li fittixt. Ipproċedi biex tara l-verbali kollha flimkien f'paġna suċċessiva, billi tikklikja s-simbolu tal-pinna () li hemm fuq nett.

F'qiegħ il-paġna hemm links għal paġni oħra bir-riżultati, u jekk hemm aktar minn għaxar paġni ta' riżultati hemm vleġġa li twasslek għall-grupp ta' riżultati li jkun imiss.

FUQ NETT

F'din il-paġna għandek issib il-lista eżatta li titwaħħal fuq in-Noticeboard ta' kull Awla qabel is-smiegħ tas-seduta. Din il-paġna ta' riżultati ikun fiha: Numru (l-ordni ta' kif se jinstemgħu l-kawżi f'dik is-seduta partikolari), Riferenza (numru tal-każ mogħti mill-Qorti), Ħin tas-seduta, u Ismijiet tal-partijiet involuti fil-każ. Is-simbolu tal-lenti () jieħdok għall-paġna b'aktar dettallji fuq il-kawża.

F'qiegħ il-paġna hemm links għal paġni oħra bir-riżultati, u jekk hemm aktar minn għaxar paġni ta' riżultati hemm vleġġa li twasslek għall-grupp ta' riżultati li jkun imiss.

FUQ NETT

Il-persuna li tkun qed tuża s-sit, għandha l-faċilita' li tara d-dettalji sħaħ tal-Każ f'din s-sezzjoni. Id-dettalji murija huma n-numru tar-Riferenza tal-kawża, l-Qorti, l-Ġudikatura, l-Ismijiet tal-partijiet involuti fil-kawża, u s-Suġġett Koncernat.

Barra minn hekk, din il-paġna turi ukoll d-Data tar-Reġistrazzjoni (meta ġie rreġistrat l-każ), id-Data tat-Terminazzjoni, l-Valur fi flus kkontestat fil-kawża u indikazzjoni jekk il-kawża ġietx apellata jew le. L-indikatur jekk il-kawża partikolari ġietx appellata jew le, jista' jkun Iva, Le jew vojt. F'każ li dan l-indikatur ta' l-Appell jkun vojt, ifisser li ma għandniex indikazzjoni jekk il-kawża ġietx appellata jew le.

Id-dettalji sħaħ tal-kawża huma offruti biss meta wieħed ifittex fuq Kawżi Pendenti jew Kawżi Magħluqa fl-Aħħar sena. Id-Data tat-Terminazzjoni u l-indikatur Appellata jidhru biss meta wieħed ifittex fuq Kawżi Magħluqa fl-Aħħar sena.

F'qiegħ il-paġna hemm tlett links: Partijiet Kollha, Lista tas-Seduti u Intaxxar. Jekk tagħfas fuq l-ewwel link, is-sit jieħdok f'paġna oħra fejn tista' tara d-dettalji tal-partijiet involuti fil każ. Tista' wkoll tara l-lista tas-seduti kollha tal-kawża billi tagħfas fuq il-link Lista tas-Seduti. It-tielet u l-aħħar link, itik il-facilita' li tmur għall-paġna ta' l-Intaxxar.

FUQ NETT

Din il-paġna turi id-dettalji tal-Partijiet kollha involuti fil-każ. Id-dettalji huma mniżżla f'lista ta' żewġ kolonni, "Isem" u "Rwol". Il-lista turi l-ismijiet tal-partijiet involuti fil-kawża f'ordni ta' Attur/Attriċi, Konvenut/a, Avukat Attur/Attriċi, Avukat Konvenut u Esperti, dejjem jekk ikunu imdaħħlin mill-Qorti.

FUQ NETT

Din is-sezzjoni tista' tiġi aċċessata la darba l-każ huwa taxxabli u t-taxxa fuq il-kawża hi maħduma min-naħa tal-Qorti. Fiha jidhru l-ammont fi flus tat-taxxa dovuta. Din il-paġna hi maqsuma fi tlett partijiet:

• Id-dettalji li jidhru fl-ewwel parti ta' din il-paġna huma r-Riferenza tal-Każ, il-Qorti, l-Ismijiet tal-partijiet involuti fil-Każ, u l-Avukati rispettivi tagħhom.
• Fit-tieni parti hemm mniżżel l-isem tal-persuna li ġiet dovuta tħallas it-taxxa tal-każ, in-Numru tat-talba, id-Data ta' meta il-persuna ġiet intaxxata u d-Data ta' meta sar il-ħlas.
• It-tielet u l-aħħar parti turi d-deskrizzjoni ta' kif inhu mqassam il-kont. Dan jinkludi t-Total, d-Depositu u l-Bilanċ dovut mill-persuna msemmija fit-tieni parti ta' l-istess paġna.

FUQ NETT

Din l-paġna turi l-verbal tas-seduta magħżula. Il-verbali aċċessibli f'dan is-sit huma dawk kollha li:

• qegħdin abbinati ma' seduta li nstemgħet wara l-aħħar ta' Ġunju tas-sena 2002;
• ġew magħluqa min-naħa tal-Qorti
.

L-verbal juri r-Riferenza tal-każ, l-Qorti, l-Ġudikatura, d-Data tas-Seduta u l-Ismijiet tal-persuni li huma involuti fil-każ, filwaqt li t-test tal-verbal jidher ġo textbox. Għandek il-faċilita' li tipprintja l-verbali tas-seduta billi tagħfas bl'għodda t'indikar fuq il-link "Verżjoni Għall-Printer" li qeda f'qiegħ il-paġna.

Id-dettalji li jidhru fil-paġna tal-"Verżjoni għall-Printer", huma l-istess. Isir biss xi tibdil fl-istil ta' kif jidhru, biex ikun possibli għal min juża s-sistema, jipprintja d-dettalji kollha b'mod li hu aħjar għall-għajn. Id-dokumenti għandhom dejjem ikunu ipprintjati f'format mimdud (landscape). Biex tissettja l-format, uża l-File Menu u l-Page Setup fil-browser.

FUQ NETT

Din l-paġna turi lista ta' verbali wara xulxin. Kull verbal juri r-Riferenża tal-każ, l-Qorti, l-Ġudikatura, d-Data tas-seduta u l-Ismijiet tal-persuni involuti fil-każ, kif ukoll t-test tal-Verbal ta' kull seduta.

FUQ NETT

	Is-simbolu tal-lenti jieħdok għall-paġna b'aktar dettalji fuq il-kawża ċivili.
	Dan is-simbolu jieħdok għal-lista tas-seduti tal-każ partikolari li tkun fittixt.
	Is-simbolu tal-pinna joffrilek il-facilita' li tkun tista' tara l-verbal ta' dik is-seduta partikolari.

FUQ NETT

Il-kriterji għat-tiftix li jdaħħal min juża s-sistema huma verifikati u jekk hemm xi żball is-sistema tavżak biex tirranġah.

FUQ NETT

Tista' tipprintja kull paġna fis-sit billi tagħżel il-file u tipprintjah bl-għodda normali ta' l-MS Internet Explorer jew Netscape. Biex tipprintja bl-aħjar mod issettja l-paġna f'format mimdum (landscape) flok wieqaf (portrait).

FUQ NETT

Biex iżżomm book-mark ta' xi paġna fis-sit, għażel Favorites u Add to Favorites fl-MS Internet Explorer u Bookmarks, Add Bookmarks f'Netscape.

FUQ NETT

Kull paġna li jkun qed juri l-browser tiegħek tista' tiġi ssejvjatha. Agħżel File u Save as f'MS Internet Explorer u Netscape.

FUQ NETT

Is-sistema taħdem fuq MS Internet Explorer Verżjoni 5.0 il fuq u Netscape Verżjoni 4.61 il fuq.

FUQ NETT